لو الحب ..أنى أفكر ليلى ونهارى فى اللى بأحبه
لو الحب ..أنى أضحى بكل حياتى عشان أشوف أبتسامته على شفايفه
لو الحب ..أنى مش الاقى فى خيالى غير عنيه ..أنى كل ماأفكرفى قلب ماأفكرش غير فيه ...أن كل أحلامى تكون أنى أعيش طول عمرى ليه
لوده هو الحب ..يبقى ناقص أيه عشان تعرف أنى بأحبك ..يبقى ناقص أيه عشان تحس بقلبى وبعنيا اللى بتحبك
ليه لازم أقولها ..ليه مش بتحسها..ليه تكون أنت غالى عليا أوى كده.. وأنا حتى مش فى بالك
ليه صعب أوى يادنياا أن الانسان اللى باتمناه يكون هو كمان بيتمنانى..ليه لازم يكون فيه عذاب حتى فى أحلى لحظات حياتنا..ليه مايكونش حلمى هو حلمه ..قلبى هو قلبه..
ليه مش عارفة أوصل لقلبك ..ليه حاسة أنى بعيدة عنك
ليه ماتجيش وتقولى أنك بتحبنى..وأنى مناك ..ودايما كنت فى خيالك
ليه ماينفعش أنك أنت كمان تكون سهران ليلك بتفكر فيا..ليه مش ممكن أنى فى حلمك دايما تلاقينى
ليه ياحبيبى ..صعب حبك أوى كده..ليه أنت بعيد عن قلبى كده
No comments:
Post a Comment